كيف تطفشي عريس اهلك موافقين عليه ؟!!!

الشباب اسمعوا للاخر عشان في اشياء بتهمكم:

بسم الله نبدأ الخطة سوا:
1- لا تظهري لاهلك عدم الرضا ... (عشان تعرفي تكملي الخطة)

2- اهم اشي بالخطة من يوم ما تسمعي بالعريس لحد ما ييجي اوعي تتحممي ..
خلي الريحة الحلوة تطلع ...تنسيش تفرمي بصل كتير واذا في ثومة خيييير و بركة ..
طبعا (انتي عم بتساعدي ماما ما حد رح يحكي معك)

3- طبعا اليوم اهل العريس بدهم ييجو يشوفو (قمر الزمان) عشان هيك قمر الزمان لازم تضل نايمة
لقبل الموعد بساعة (عشان وجهها يتريح وما يبين انه تعبان) وهيك بتكوني ضيعتي على اهلك فرصة
انهم يكشفوكي.

4-اهل العريس (ابو الشباب) اجو... سلمي على امو بكل برود ... واعملي حالك قرفانة و شايفة حالك
بعدها اسحبي حالك على غرفتك ... (عشان بدك تضبطي حالك ولو ... ) و يلا نعرف خطوات احلى ميك أب لهيك مناسبة :

*الكحلة : الكحلة جميلة جدا على العيون ... اتكحلي ... بس خلي الكحلة بعين اكتر من التانية..
وهيك بتضمني تكوني (حولة رسمي)

*كريم الاساس: ولوووو اكيد بدنا كريم اساس بس على الشفايف .. هيك ببين معك فقر دم

*الشادو : طبعا الشادو هو اللي بخبي البلاوي (وهو اللي ببين البلاوي ) الشادو الاسود على العيون

و ثقلييييييييه (ولوو مش هيك الموديل و الدليل اليسا) مع شادو اصفر على وجهك بدل (البلاشر)

وهيييييييك ببين معك كوليرا .... ههههههههاي

و لازم تلبسي احلى موديل : تنورة خضرا (لون الخير ) و بلوزة حمرا (لون الحب) و البسي شالة

من سنة الف و تسعمية و ستة وخمسين خشبة والحذاء من العصر الحجري... تححححححفة

5- روحي عالمطبخ عشان توخدي القهوة ... بس اوعك امك تنتبه عالخبايص..

6- امشي بكل ثقة الى غرفة الضيوف ...(كل ما تكون ثقتك بنفسك اكتر بتبيني انك خبيرة
بهالامور)... وهيك .... ابو العريس ... وبصير يسأل حاله:
مدامها خبيرة هيك ليش اللي قبلنا
طفشو؟!!
(امسكي القهوة ... اتفرجي بعيونه (واحولي عينيكي)... المسكين بكون وقع في الصدمة(من اول نظرة)
هو طبعا من شدة الصدمة رح ينسى القهوة...

طبعا اتركيهم يحكو بالمهم .... (لووووووووووول)
ارجعي لام العريس اللي بدها تشوف جمال شعرك
(هالمرة ما بدنا نعمل مقلب ... خليه حلو فش مشكلة ... و اربطية بسسسسسسسس
اقعدي اهرشي و اهرشي و اهرشي قدامها ... تخيلي انه في حديقة حيوانات في راسك ...
هههههههههههههههههههههههههاي مسكينة ام هالعريس

اذا نفذتي هالخطوات مية بالمية رح تسمعي كلمة : " يا الله " ... وتسمعي صوت ابوكي
بحكي للجماعة " شرفتونا" ... لانه الضيوف بدهم (يطفشوا ) قبل ما ينبلو هيك بلوة منيلة ....

اه شو رايكم .... ؟؟؟

ههههههههههههههههههههههههههههههههههههههههههههههههههههههههههههههههههههههههههه
ببجد تتهني على هيك افكار متخلفة
لك هالايام قبل ما يخطب الواحد ويقدم على فكرة الخطبة والزواج بكون قرفان العروس من كتر ما طالع وهو وياها وقاعدين وحاكيين كم ولد بدهم يخلفو حتى
يمكن كلامك هاد مزبوط عند العائلات المتخلفة القديمة
يسلمو على الموضوع وتقبلي مروري

ميرسي ع مرورك الكريم عاشق الرومانس

هاي الافكار مو متخلفة هذا واقع صدقني
لسة هاي العادات موجودة لهلأ
ومش كل الشباب بعرفوا يختارو شريكة حياتهم
والدليل انه في شباب ببعت الماما تختار وتقرر عنه
ياحرام ما في يقرر بمين رح يرتبط لانه امه عندها خبرة اكتر منه

الا اذا انت غير هيك عاشق الرومانس
ومقرر مين هي شريكة حياتك
تتهنى انشاء الله

هالايام قبل ما يخطب الواحد ويقدم على فكرة الخطبة والزواج بكون قرفان العروس من كتر ما طالع وهو وياها وقاعدين وحاكيين كم ولد بدهم يخلفو حتى

انا مع عاشق الرومانس

انا معك زعيم
بس مش الكل
صدقني في شباب بخجلو يحكو مع البنات

هاد مش خجل صدقيني هاد بكون الشب متخلف او عندو نقص بشخصيتو

لانو البنت مش بعبع او وحش مشان توكلو ازا حكا معاها
على الاقل هاد رائيي
انشاء الله يعجبكم

عاشق الرومانس
انا قلتلك مش كل الشباب
ولسة بمجتمعنا في شباااااااااااااااااااب متخلفين
انا بحكي بواقع مش خيال

طيب بس انا بحكي عن حالي وعن وجهة نظري بالحياة
يعني بالمستقبل بس افكر وقدم ع الزواج مش رح افكر للحظة اني ابعت امي تختارلي عروس ع موصفات هي بتحددها , لانو انا الي رح اعيش الحياة معاها مش امي

مشكورة ع الموضوع
واتمنى من الاعضاء الاخرين المشاركة بمواضيع النقاش اكتر من هيك

تقبلي مروري

ميرسي عاشق الرومانس
انا بقدر وبحترم رايك كتير
وانشاء الله انك تلتقي بالبنت اللي تسعدك في حياتك
انت بتستاهل كل خير

شكرا ع مرورك الكريم

*الكحلة : الكحلة جميلة جدا على العيون ... اتكحلي ... بس خلي الكحلة بعين اكتر من التانية..
وهيك بتضمني تكوني (حولة رسمي)

ههههههههههههه على فكرة انتي شكلك بتحكي عن تجربة مريتي فيها
ولك شو هالافكار الي بتفكري فيها بجد افكار روعة وازا كل بنت عملت هيك
الشباب رح يتعقدوا من شي اسمه زواااااااااج وبنات بجد افكار كتير حلوة

تقبلي مروري اختي هوى العيون وبهنيكي كتير على العقل والتفكير الي لإلك ^_^

الله يسلمك ويوفقك يحياتك انتي كمان

تستاهلي كل خير

مشكورة

عاشق الليل مشكور ع مرورك الكريم
مهو اذا كان الاهل مقتنعين بالشاب وطبعا هي مش مقتنعة فيه شو المانع انهاتطفشه بطريقتها
احتمال اني مريت بهيك تجربة
بس بيني وبينك اشي فاخر ع الاخر
يعني الوضع مسخرة

الله يوفقك عاشق الليل

عنجد افكار

انا بقول ازا الوحده كان عندها اهل ديمقراطين بسهل الامر كتير

شي فاخر على الآخر خخخخخخخخخ

شكرا لإلك اختي هوى العيون والله يوفقك
ويخليكي ويعطيكي الي ببالك

تقبلي مروري